Лөкөчөөн нэһилиэгэр 2025 сыл Патриотизм сылынан биллэрилиннэ

Нэһилиэкпитигэр олунньу 14 күнүгэр Россияҕа  “Аҕа дойдуну”, Саха сиригэр “Ийэ дойдуну”, улууспутугар “Г.И.Чиряев 100 сыла”, нэһилиэкпитигэр "Патриотизм" сылларын үөрүүлээхтик арыйыы Сайдам култуура дьиэтигэр буолла.  Дойдубут былаахтарын күөрэччи көтөҕөн киллэриинэн, Өрөгөй ырыаларынан саҕаланна.Дойду былаахтарын А.И.Леонтьев аатынан Лөкөчөөн орто оскуолатын улахан кылаас уолаттара байыаннай марш доҕуһуолунан биир тэҥник үктээн киллэрдилэр.
Улуу Кыайыы 80 сыллаах Өрөгөйдөөх үбүлүөйдээх сылынан, нэһилиэкпит баһылыга Анна Владимировна уонна тэрилтэлэрбит салайааччылара, үлэ-тыыл бэтэрээннэрбитин Алексеева Христина Николаевнаны, Петров Марк Никифоровиһы эҕэрдэлээтилэр уонна сэмэй бэлэхтэрин туттардылар.
Ол кэннэ нэһилиэкпит күүһүнэн турбут бэрт сэргэх кэнсиэрди көрдүбүт. Улэ-тыыл бэтэрээннэрбитин кытта өйдөбүнньүк хаартыскаҕа түһүүнэн түмүктэннэ.
Христина Сергина-Максимова хаартыскаҕа түһэриитэ.

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить / Загрузить