"Сааскы күллэринньик" көр-күлүү киэһэтэ

Муус устар 6 күнүгэр, "Сайдам" култуура киинин иһинэн тэриллибит театральнай коллективпыт "Сааскы күллэринньик" диэн көр-күлүү киэһэтин нэһилиэк олохтоохторугар көрдөрдүлэр. Коллектив норуот биһирэбилин ылбыт Аркадий Новиков сценкаларыттан уонна араас тэттик туруоруулары көрдөрдүлэр. Ону тэҥэ эдэр талааннаах кыыспыт Эльвира Новикова английскайдыы ырыалары ыллаан бар дьонугар бэлэхтээтэ. Түгэнинэн, "Сайдам" култуура киинин дириэктэрэ Гаврильева Римма Викторовна улуустааҕы аһаҕас көр-күлүү "Күлбэкэ көрүдьүөстэрэ" кыайыылаахтарын уонна анал аакка тиксибит кыттааччыларын эҕэрдэлээтэ. Нэһилиэкпит дьоно-сэргэтэ көр-күлүү киэһэтигэр кэлэннэр күннээҕи түбүктэрин умнан, күлэн-үөрэн, дуоһуйа сынньанан тарҕастылар!

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить